Existen numerosas ideas sobre como aprendemos que gozan dunha gran popularidade a pesar de non estar apoiadas pola ciencia. Estes "edumitos" xurdiron pola malinterpretación ou a terxiversación de investigacións científicas, ou ben son nocións intuitivas que non superaron o escrutinio do método científico. A súa aceptación acrítica embaza os debates e os procesos de decisión educativos, a miúdo facéndonos crer que son ideas que contan co aval científico, cando en realidade non é así. Co obxectivo de contribuír a unha educación informada pola evidencia, este libro presenta unha recompilación de mitos sobre a aprendizaxe moi prevalecentes na comunidade educativa e contrástaos á luz da investigación en ciencias cognitivas.